തിരുവനന്തപുരം : കോൺഗ്രസിൻറെ ചവിട്ടും കുത്തും ഏറ്റ് യു ഡി എഫിൽ തുടരണോ എന്ന് ലീഗ് ആലോചിക്കണമെന്ന് ഇ പി ജയരാജൻ. കോൺഗ്രസ് ലീഗിനെ അപമാനിക്കുകയാണെന്നും കേരളത്തിൽ ഒരിടത്തും ലീഗിൻറ വോട്ടില്ലാതെ കോൺഗ്രസിന് വിജയിക്കാനാകില്ലെന്നും അദ്ദേഹം പറഞ്ഞു. 60 കൊല്ലമായി രണ്ട് സീറ്റും കൊണ്ട് കഴിയുകയാണെന്നും ലീഗ് പോയാൽ കോൺഗ്രസിന്റെ നിലനിൽപ്പ് അപകടത്തിലാകുമെന്നും ഇ പി ജയരാജൻ പറഞ്ഞു. കോൺഗ്രസ് ജാഥ ആലപ്പുഴയിൽ എത്തിയപ്പോൾ ‘തെറി’ വന്നു. ഇനി ‘അടി’ നടക്കുമെന്നും അദ്ദേഹം പറഞ്ഞു.
