കോഴിക്കോട്: കോഴിക്കോട് സൗത്ത് ബീച്ചിൽ ഇടിമിന്നലേറ്റ് ഏഴുപേർക്ക് പരിക്ക്. ഒരാളുടെ പരിക്ക് ഗുരുതരമാണ്. വ്യാഴാഴ്ച ഉച്ചക്ക് ഒരുമണിയോടെയാണ് സംഭവം. ചാപ്പയില്‍ സ്വദേശികളായ മനാഫ്, സുബൈര്‍, അനില്‍ അഷ്‌റ്ഫ് , സലീം, അബദുള്‍ ലത്തിഫ് ജംഷീര്‍ എന്നിവര്‍ക്കാണ് പരിക്ക്. എല്ലാവരും ബീച്ച് ആശുപത്രിയിൽ ചികിത്സയിലാണ്. ഗുരുതരാവസ്ഥയിലുള്ള ആൾ അതിതീവ്രവിഭാഗത്തിലാണ് കഴിയുന്നത്.
സൗത്ത് ബീച്ചിൽ വിശ്രമത്തിന് എത്തിയവർക്കും ജോലി ചെയ്യുന്നവർക്കുമാണ് ഇടിമിന്നലേറ്റത്. ലോറിയുടെ മുകളിൽ കയറി ജോലിചെയ്യുകയായിരുന്ന രണ്ടുപേർ ഇടിമിന്നലേറ്റ് താഴേക്ക് വീണു.
