നിരവധി ആരോഗ്യ ഗുണങ്ങളുള്ള ഒന്നാണ് ഫ്ളാക്സ് സീഡ് അഥവാ ചണവിത്ത്. ഫൈബറും ഒമേഗ 3 ഫാറ്റി ആസിഡും അടങ്ങിയ ഫ്ളാക്സ് സീഡ് ഡയറ്റില് ഉള്പ്പെടുത്തുന്നത് ശരീരത്തിന്റെ ആരോഗ്യത്തിന് ഏറെ നല്ലതാണ്. ദിവസവും ഫ്ളാക്സ് സീഡ് കഴിക്കുന്നതിന്റെ ഗുണങ്ങളെ കുറിച്ചറിയാം…
- ഒന്ന്…
- ഫൈബര് ധാരാളം അടങ്ങിയ ഫ്ളാക്സ് സീഡ് പതിവായി കഴിക്കുന്നത് ദഹനവ്യവസ്ഥയെ സഹായിക്കുകയും മലബന്ധം പോലുള്ള പ്രശ്നങ്ങളെ തടയുകയും ചെയ്യും.
- രണ്ട്…
-
ഫ്ളാക്സ് സീഡ് ഡയറ്റില് ഉള്പ്പെടുത്തുന്നത് ഉയര്ന്ന രക്തസമ്മര്ദ്ദത്തെ നിയന്ത്രിക്കാന് സഹായിക്കുമെന്നാണ് പഠനങ്ങള് പറയുന്നത്. ഫ്ളാക്സ് സീഡ് ഓയിലും ഇതിന് സഹായിക്കും.
- മൂന്ന്…
- ഒമേഗ 3 ഫാറ്റി ആസിഡുകള് ധാരാളം അടങ്ങിയതാണ് ഫ്ളാക്സ് സീഡ്. മത്സ്യം കഴിക്കാത്തവര്ക്ക് ഒമേഗ 3 ഫാറ്റി ആസിഡ് ലഭ്യമാക്കാന് ഫ്ളാക്സ് സീഡുകളും ഫ്ളാക്സ് സീഡ് ഓയിലും ഡയറ്റില് ഉള്പ്പെടുത്താം.
- നാല്…
- നാരുകള് അടങ്ങിയ ഫ്ളാക്സ് സീഡുകള് കൊളസ്ട്രോളിനെ കുറയ്ക്കാന് സഹായിക്കും. ഒമേഗ 3 ഫാറ്റി ആസിഡുകള് അടങ്ങിയ ഇവ ഹൃദയാരോഗ്യം സംരക്ഷിക്കാനും സഹായിക്കും.
- അഞ്ച്…
- രക്തത്തിലെ പഞ്ചസാരയുടെ അളവിനെ നിയന്ത്രിക്കാനുള്ള കഴിവും ഇവയ്ക്കുണ്ട്. അതിനാല് ടൈപ്പ് 2 പ്രമേഹ രോഗികള്ക്കും ഫ്ളാക്സ് സീഡ് ഡയറ്റില് ഉള്പ്പെടുത്താം.
- ആറ്…
- ശരീരത്തിന് വേണ്ട പ്രോട്ടീന് ലഭിക്കാനും ഫളാക്സ് സീഡുകള് ഡയറ്റില് ഉള്പ്പെടുത്താം.
- ഏഴ്…
- കുടവയര് കുറയ്ക്കാനും ശരീരഭാരത്തെ നിയന്ത്രിക്കാനും ഇവ സഹായിക്കും. ഫൈബര് ധാരാളം അടങ്ങിയ ഫ്ളാക്സ് സീഡുകള് ശരീരത്തില് കൊഴുപ്പ് അടിയുന്നത് തടയും. ഒപ്പം ഇവ വിശപ്പിനെ നിയന്ത്രിക്കുകയും ചെയ്യും.
- എട്ട്…
- വിറ്റാമിന് ഇ, ഒമേഗ 3 ഫാറ്റി ആസിഡ് തുടങ്ങിയവ ധാരാളം അടങ്ങിയ ഫളാക്സ് സീഡുകള് കഴിക്കുന്നത് തലമുടി വളരാനും സഹായിക്കും.
