മസ്‍കത്ത്: ഒമാനില്‍ വാഹനമോടിച്ച ബാലനെ പൊലീസ് തടഞ്ഞു. കഴിഞ്ഞ ദിവസം സൗത്ത് അല്‍ ബാത്തിന ഗവര്‍ണറേറ്റിലായിരുന്നു സംഭവം. ഏഷ്യക്കാരനായ ബാലനാണ് വാഹനം ഓടിച്ചതെന്ന് റോയല്‍ ഒമാന്‍ പൊലീസ് പുറത്തിറക്കിയ പ്രസ്‍താവനയില്‍ പറയുന്നു. ഇത് ശ്രദ്ധയില്‍പെട്ട സൗത്ത് അല്‍ ബാത്തിന പൊലീസ് കമാന്‍ഡ് കുട്ടിയെ തടയുകയും തുടര്‍ നപടി സ്വീകരിക്കുകയും ചെയ്‍തു. കുട്ടിയുടെ രക്ഷിതാവിനെ പൊലീസ് വിളിച്ചുവരുത്തിയതായും ഇയാള്‍ക്കെതിരെ നിയമ നടപടി സ്വീകരിച്ചുവെന്നും ഔദ്യോഗിക പ്രസ്‍താവന പറയുന്നു.
