കൊച്ചി: കൊച്ചി അന്താരാഷ്ട്ര വിമാനത്താവളത്തിലെ ബോംബ് ഭീഷണി കേസിൽ ഒരാൾ പിടിയിൽ. തൃക്കാക്കര ഗ്രീൻലാന്റ് വിന്റർ ഹോംസ് വില്ലയിൽ താമസിക്കുന്ന പത്തനംതിട്ട മണ്ണംതുരത്തി സ്വദേശി സാബു വർഗ്ഗീസ് ആണ് പിടിയിൽ ആയത്. നെടുമ്പാശ്ശേരിയിൽ നിന്നും ദുബായിലേക്ക് യത്ര ചെയ്യുവാനായി എത്തിയതായിരുന്നു ഇയാൾ. ബുധനാഴ്ച രാത്രിയായിരുന്നു സംഭവം. എയർപോർട്ടിൽ മറ്റൊരാളുടെ ബാഗ് പരിശോധന നടത്തുകയായിരുന്ന സ്പൈസ് ജെറ്റ് സ്റ്റാഫിനോട് അതിൽ ബോംബ് ഉണ്ട് എന്ന് പറഞ്ഞ് ഭീതി പരത്തുകയായിരുന്നു.
