മലയിൻകീഴ് : വാക്കുതർക്കത്തിനിടെ പിതാവിനെ വീടിന്റെ ടെറസിൽ നിന്നു താഴേക്കു തള്ളിയിട്ട കേസിൽ അന്തിയൂർകോണം കാപ്പിവിള പുത്തൻ വീട്ടിൽ വിപിനിനെ (20) മലയിൻകീഴ് പോലീസ് അറസ്റ്റ് ചെയ്തു. വീഴ്ചയിൽ പിതാവ് വിനോദിന് പരുക്കേറ്റു. കഴിഞ്ഞ ദിവസം രാത്രി മദ്യപിച്ചെത്തിയ വിപിനുമായി വീടിന്റെ ടെറസിൽ വെച്ചാണ് വിനോദ് വഴക്ക് ഉണ്ടാക്കിയത്. ഇതിനിടെ വിനോദിനെ വിപിൻ പിടിച്ചു തള്ളിയപ്പോൾ ടെറസിൽ നിന്നു താഴേക്ക് വീണതാണെന്നു പോലീസ് പറഞ്ഞു. പിതാവിന്റെ പരാതിയിൽ തന്നെയാണ് വിപിനിനെതിരെ കേസ് എടുത്ത് അറസ്റ്റ് ചെയ്തത്. കോടതിയിൽ ഹാജരാക്കി.
