കുവൈത്ത് സിറ്റി: കുവൈത്തില് വെയര്ഹൗസില് തീപിടിത്തം. തീപിടിത്തം കുവൈത്ത് അഗ്നിശമനസേന നിയന്ത്രണവിധേയമാക്കി. സാല്മി റോഡിലെ ഒരു വെയര്ഹൗസിലാണ് തീപിടിത്തമുണ്ടായത്. ഒരു സിമിന്റ് ഫാക്ടറിയുടെ അസംസ്കൃത പ്ലാസ്റ്റിക് വസ്തുക്കളാണ് വെയര്ഹൗസില് സൂക്ഷിച്ചിരുന്നത്. തീപിടിത്തത്തില് ആര്ക്കും പരിക്കേറ്റിട്ടില്ല. സംഭവത്തിന്റെ കാരണം കണ്ടെത്താന് അധികൃതര് അന്വേഷണം ആരംഭിച്ചു.
