മുഴുനീള നായകനാവുന്ന ആദ്യ ഏകദിന പരമ്പരയിലും രോഹിത് ശര്‍മ്മ കളിച്ചേക്കില്ലെന്ന് റിപ്പോര്‍ട്ട്. രോഹിതിന്റെ ഫിറ്റ്‌നസില്‍ ആശങ്കയുണ്ടെന്നും ദക്ഷിണാഫ്രിക്കക്കെതിരെ ഇന്ത്യയെ ലോകേഷ് രാഹുല്‍ നയിച്ചേക്കും എന്നുമാണ് സൂചന. ഈ ആഴ്ച തന്നെ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിക്കും. ഓള്‍റൗണ്ടര്‍മാരായ രവീന്ദ്ര ജഡേജ, അക്‌സര്‍ പട്ടേല്‍ എന്നിവരെയും ടീമില്‍ പരിഗണിച്ചേക്കില്ല. ഇരുവരും പരുക്കേറ്റതിനെ തുടര്‍ന്ന് വിശ്രമത്തിലാണ്. ഇവരൊക്കെ ദേശീയ ക്രിക്കറ്റ് അക്കാദമിയില്‍ ഫിറ്റ്‌നസ് വീണ്ടെടുക്കാനുള്ള പരിശീലനത്തിലാണ്. ജനുവരി 19നാണ് ദക്ഷിണാഫ്രിക്ക-ഇന്ത്യ ഏകദിന പരമ്പര ആരംഭിക്കുക.
അതേസമയം, സീസണിലെ വിജയ് ഹസാരെ ട്രോഫിയില്‍ തകര്‍പ്പന്‍ ഓള്‍റൗണ്ട് പ്രകടനം നടത്തിയ ഹിമാചല്‍ പ്രദേശ് നായകന്‍ ഋഷി ധവാനെ ഇന്ത്യന്‍ ടീമിലേക്ക് തിരികെ വിളിക്കുമെന്ന് സൂചനയുണ്ട്.
