സ്ത്രീകളും പുരുഷന്മാരും ഒരുപോലെ നേരിടുന്ന പ്രശ്‌നമാണ് അടിവയറ്റിലെ കൊഴുപ്പ്. കൃത്യമായ ശ്രദ്ധ നൽകി ഇത് നിയന്ത്രിച്ചില്ലെങ്കിൽ പലപ്പോഴും ഗുരുതരമായ ആരോഗ്യപ്രശ്‌നങ്ങളിലേക്ക് നയിക്കാനും സാധ്യതയുണ്ട്.
അനാരോഗ്യകരമായ ഭക്ഷണക്രമം, വ്യായാമത്തിന്റെ അഭാവം, അനാരോഗ്യകരമായ ഉറക്ക രീതികൾ, മറ്റ് പല ഘടകങ്ങളും വയറിന് ചുറ്റും കൊഴുപ്പ് അടിഞ്ഞുകൂടുന്നതിലേക്ക് നയിക്കുന്നു. ആരോഗ്യകരമായ പച്ചക്കറി ജ്യൂസുകൾ കുടിക്കുന്നത് വയറിലെ കൊഴുപ്പ് കുറയ്ക്കാൻ സഹായിക്കുന്നു. വിറ്റാമിനുകൾ, ധാതുക്കൾ, പ്രോട്ടീൻ, നാരുകൾ എന്നിവയുൾപ്പെടെ ആവശ്യമായ പോഷകങ്ങളുടെ മികച്ച ഉറവിടമാണ് പച്ചക്കറികൾ. ശരീരഭാരം കുറയ്ക്കുകയും ആരോഗ്യമുള്ള ശരീരത്തെ പ്രോത്സാഹിപ്പിക്കുകയും ചെയ്യുന്നു.
വയറ്റിലെ കൊഴുപ്പ് കുറയ്ക്കാൻ കുടിക്കാം ഈ പച്ചക്കറി ജ്യൂസുകൾ…
ഒന്ന്…
ശരീരഭാരം കുറയ്ക്കാൻ മികച്ച ഒന്നാണ് കുമ്പളങ്ങ ജ്യൂസ്. കുമ്പളങ്ങയിൽ ധാരാളം ഫൈബർ അടങ്ങിയിട്ടുണ്ട്. ചെറിയ അളവിൽ കുമ്പളങ്ങ കഴിക്കുന്നതു ഏറെ നേരം വയർ നിറഞ്ഞതായ തോന്നൽ ഉണ്ടാക്കും. കുമ്പളങ്ങയിൽ കാലറി വളരെ കുറവാണ്. 100 ഗ്രാം കുമ്പളങ്ങയിൽ 4 ഗ്രാം അന്നജം അടങ്ങിയിരിക്കുന്നു.
രണ്ട്…
ബീറ്റ്റൂട്ടിൽ വിറ്റാമിനുകൾ, ധാതുക്കൾ, ഫോളേറ്റ്, നൈട്രേറ്റുകൾ, ഡയറ്ററി ഫൈബർ എന്നിവയുൾപ്പെടെയുള്ള പോഷകങ്ങൾ അടങ്ങിയിട്ടുണ്ട്. ഇവയെല്ലാം ശരീരഭാരം കുറയ്ക്കാൻ സഹായിക്കുന്നു.
മൂന്ന്…
നാരുകൾ, വിറ്റാമിനുകൾ, ധാതുക്കൾ, മറ്റ് പോഷകങ്ങൾ എന്നിവയാൽ സമ്പന്നമാണ് കാരറ്റ്. പഞ്ചസാരയുടെയും അന്നജത്തിന്റെയും ദഹനം വൈകിപ്പിച്ച് രക്തത്തിലെ പഞ്ചസാരയുടെ അളവ് കുറയ്ക്കുന്ന നാരായ പെക്റ്റിൻ കാരറ്റിൽ കാണപ്പെടുന്നു. കാരറ്റ് ജ്യൂസ് ദഹനം മെച്ചപ്പെടുത്തുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു.
നാല്…
വെള്ളരിക്ക ജ്യൂസിൽ അടങ്ങിയിരിക്കുന്ന പോഷകങ്ങൾ സുഷിരങ്ങൾ, അധിക എണ്ണ, വരൾച്ച എന്നിവ സുഖപ്പെടുത്താൻ സഹായിക്കുന്നു. വെള്ളരിക്കയിൽ 96 ശതമാനവും വെള്ളമുള്ളതിനാൽ, ശരീരത്തിന് ആവശ്യമായ വെള്ളം നൽകുകയും ദഹനം മെച്ചപ്പെടുത്തുകയും ചർമ്മത്തിന് ഗുണം ചെയ്യുകയും ചെയ്യുന്നു.
അഞ്ച്…
ആരോഗ്യകരമായ ഇലക്കറികളിൽ ഒന്നായ ചീര വിറ്റാമിനുകൾ, ധാതുക്കൾ, പ്രോട്ടീൻ, നാരുകൾ എന്നിവയുൾപ്പെടെയുള്ള സുപ്രധാന പോഷകങ്ങളാൽ സമ്പന്നമാണ്. ഇത് വിശപ്പ് അകറ്റുകയും ചെയ്യുന്നു. ചീര ജ്യൂസ് കുറഞ്ഞ കലോറിയും ഉയർന്ന നാരുകളുമുള്ള പാനീയമാണ്. ഇത് ഭക്ഷണത്തിൽ ഉൾപ്പെടുത്തുന്നത് ശരീരഭാരം കുറയ്ക്കാൻ സഹായിക്കും.
