കരിപ്പൂര്‍ : ദോഹയിലേക്കുള്ള വിമാനത്തിന്റെ സമയം മാറ്റിയതു ചില യാത്രക്കാരെ അറിയിച്ചില്ലെന്നു പരാതി. 9 പേരുടെ യാത്ര മുടങ്ങി. കോഴിക്കോട് വിമാനത്താവളത്തില്‍നിന്നു ദോഹയിലേക്ക് ഇന്‍ഡിഗോ വിമാനത്തില്‍ പോകാനുള്ള യാത്രക്കാരാണു പ്രയാസത്തിലായത്. 16 മുതല്‍ വിമാന സര്‍വീസ് സമയത്തില്‍ മാറ്റമുണ്ടെന്നും, ഇക്കാര്യം ചില യാത്രക്കാരെ, ടിക്കറ്റ് ബുക്ക് ചെയ്ത ഏജന്‍സികള്‍ അറിയിക്കാത്തതാകാം പ്രശ്‌നമായതെന്നും ബന്ധപ്പെട്ടവര്‍ പറഞ്ഞു. വിമാനം വൈകിട്ട് ആറിനെന്നാണത്രെ യാത്രക്കാരോട് പറഞ്ഞത്. പിന്നീട് സമയം മൂന്നിലേക്കു മാറ്റി. ഇക്കാര്യം അറിയിച്ചില്ല. 2.05നു കൗണ്ടര്‍ അടച്ചു. ശേഷം എത്തിയവരാണു വിഷമത്തിലായത്. വിമാനം 3.05നു പുറപ്പെട്ടു.
