കോട്ടയം: കോട്ടയത്ത് കുറുക്കന്റെ ആക്രമണത്തില്‍ നാല് പേര്‍ക്ക് പരിക്ക്. ചക്കാമ്പുഴയിലും പരിസ പ്രദേശങ്ങളിലുമായാണ് കുറുക്കന്റെ ആക്രമണം ഉണ്ടായത്. നടുവിലാ മാക്കല്‍ ബേബി, നെടുംമ്പള്ളില്‍ ജോസ്, തെങ്ങുംപ്പള്ളില്‍ മാത്തുക്കുട്ടി, തെങ്ങുംപ്പള്ളില്‍ ജൂബി എന്നിവരെയാണ് കുറുക്കന്‍ ആക്രമിച്ചത്. ഇതില്‍ നടുവിലാം മാക്കല്‍ ബേബി എന്നയാളുടെ മുഖത്ത് ഗുരുതരമായ പരിക്കുകളുണ്ട്. ഇദേഹത്തിന്റെ ഒരു വിരല്‍ ഭാഗികമായി കുറുക്കന്‍ കടിച്ചെടുത്തു. ഇന്ന് രാവിലെ 6 മണിയോടെയാണ് ആക്രമണം ഉണ്ടായത്. ഗുരുതരമായി പരിക്കേറ്റ ബേബിയെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു.
