കൊല്ലം: കൊല്ലത്ത് 14കാരനെ സംഘം ചേര്‍ന്ന് ആക്രമിച്ചതായി പരാതി. കൊല്ലം പത്തനാപുരം മാങ്കോട് ആണ് 14 വയസ്സുകാരനെ ആക്രമിച്ചതായാണ് പരാതി . അമ്പലത്തിലേക്ക് പോയ വിദ്യാർത്ഥിയെ അഞ്ചുപേർ ചേർന്നാണ് ആക്രമിച്ചത്. വിദ്യാർത്ഥിയുടെ വസ്ത്രം അഴിച്ച് ജനനേന്ദ്രിയത്തിൽ കത്തിവയ്ക്കുമെന്ന് ഭീഷണിപ്പെടുത്തിയതായും പരാതിയിൽ പറയുന്നു. സംഭവത്തിൽ മാങ്കോട് സ്വദേശികളായ അജിത്ത് രാജേഷ് അഖിൽ അനീഷ് അജിത് എന്നിവർക്കെതിരെ പത്തനാപുരം പൊലീസ് കേസെടുത്തു. പോക്സോ നിയമത്തിലെ വകുപ്പുകൾ പ്രകാരമാണ് കേസ്. ശനിയാഴ്ച രാവിലെയാണ് സംഭവം ഉണ്ടായത്. അകാരണമായാണ് വിദ്യാർഥിയെ ആക്രമിച്ചതെന്നാണ് ആരോപണം. സംഭവത്തില്‍ പൊലീസ് അന്വേഷണം ആരംഭിച്ചു.
