മല്ലപ്പള്ളി: വിദ്യാർഥിനിയെ പീഡിപ്പിക്കാൻ ശ്രമിച്ച ഹാൻഡ് ബോൾ പരിശീലകൻ അറസ്റ്റിൽ. കീഴ്വായ്പ്പൂര് പെരുപ്രാമാവ് പാലമറ്റം വീട്ടിൽ ജോസഫ് പാലമറ്റം (72) നെ ആണ് കീഴ്വായ്പ്പൂര് പോലീസ് അറസ്റ്റ് ചെയ്തത്. പെൺകുട്ടികളെ മുണ്ടിയപ്പള്ളിയിലെ സ്കൂളിൽ പരിശീലനത്തിന് കൊണ്ടുപോയതിനു ശേഷം തിരിച്ചു വരുമ്പോൾ ഓരോരുത്തരെയും അവരുടെ വീട്ടിൽ ഇറക്കിവിട്ടു. ഇതില്‍ ഒരു പെൺകുട്ടിയെ മല്ലപ്പളളിയിൽ ഇറക്കാതെ നെല്ലിമൂട് ഭാഗത്തേക്ക് കൊണ്ടുപോകുകയായിരുന്നു. വാഹനത്തിൽ വെച്ച് പീഡിപ്പിക്കാൻ ശ്രമിച്ചതായാണ് പരാതി.
