കൊണ്ടോട്ടി: സംസ്ഥാന ഹജ്ജ് കമ്മിറ്റി മുഖേന ഹജ്ജിന് പുറപ്പെട്ട തീര്‍ഥാടകരുടെ മടങ്ങിവരവ് തുടരുന്നു. മദീനയില്‍നിന്നാണ് തീര്‍ഥാടകര്‍ തിരിച്ചെത്തിക്കൊണ്ടിരിക്കുന്നത്. ഇതുവരെ അഞ്ച് വിമാനങ്ങളിലായി 716 പേര്‍ മടങ്ങിയെത്തി.
കോഴിക്കോട് എമ്പാര്‍ക്കേഷന്‍ വഴി നാല് വിമാനങ്ങളും കണ്ണൂര്‍ എമ്പാര്‍ക്കേഷന്‍ വഴി ഒരു വിമാനവുമാണ് ഹാജിമാരുമായി മടങ്ങിെയത്തിയത്. ഇതില്‍ 367 പുരുഷന്മാരും 349 സ്ത്രീകളുമാണ്. കരിപ്പൂര്‍ വഴി ഞായറാഴ്ച വൈകീട്ട് ഒരുവിമാനമാണ് തീര്‍ഥാടകരുമായി എത്തുക.
ഇതില്‍ 145 യാത്രികരുണ്ടാകും. കണ്ണൂരിലേക്ക് ഞായറാഴ്ച ഹജ്ജ് വിമാന സർവിസില്ല.സംസം വെള്ളം നല്‍കി യാത്രരേഖകള്‍ പരിശോധിക്കുന്ന നടപടി പൂര്‍ത്തിയാക്കിയാണ് വിമാനത്താവളങ്ങളിൽ തീര്‍ഥാടകരെ പുറത്തെത്തിക്കുന്നത്.
