തിരുവനന്തപുരം: കേരളത്തില് ഉയര്ന്ന താപനില മുന്നറിയിപ്പ്. സാധാരണയെക്കാള് രണ്ടു മുതല് നാലു ഡിഗ്രി വരെ ചൂട് കൂടാന് സാധ്യതയുള്ളതിനാല് ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ഉയര്ന്ന താപനില കണക്കിലെടുത്ത് ഇന്ന് ആറു ജില്ലകളില് മഞ്ഞ അലര്ട്ട് പ്രഖ്യാപിച്ചു. കോഴിക്കോട്, കണ്ണൂര്, പാലക്കാട്, ആലപ്പുഴ, കോട്ടയം, തൃശൂര് ജില്ലകളിലാണ് ജാഗ്രതാനിര്ദേശം.
കോഴിക്കോട് ജില്ലയില് ഉയര്ന്ന താപനില 37 ഡിഗ്രി സെല്ഷ്യസ് വരെയും കണ്ണൂര്, പാലക്കാട് ജില്ലകളില് 36 ഡിഗ്രി വരെയും ആലപ്പുഴ, കോട്ടയം, തൃശ്ശൂര് ജില്ലകളില് 35 ഡിഗ്രി വരെയും താപനില ഉയരാന് സാധ്യതയുണ്ട്.
