കൊച്ചി: കൊട്ടാരക്കര താലൂക്ക് ആശുപത്രിയിൽ ഡോക്ടർ കുത്തേറ്റു മരിച്ച സംഭവത്തിൽ സിബിഐ അന്വേഷണമാവശ്യപ്പെട്ട് ഡോ. വന്ദനാദാസിന്റെ മാതാപിതാക്കൾ ഹൈക്കോടതിയിൽ നൽകിയ ഹർജി ആഗസ്ത് 17ന് പരിഗണിക്കാൻ മാറ്റി. കേസ് അന്വേഷണത്തിൽ അപാകതയില്ലെന്നും സിബിഐ അന്വേഷണം ആവശ്യമില്ലെന്നും വ്യക്തമാക്കി സർക്കാർ നൽകിയ സത്യവാങ്മൂലത്തിന് മറുപടി നൽകാൻ ഹർജിക്കാർ കൂടുതൽ സമയം തേടിയതിനെ തുടർന്നാണ് ഹർജി മാറ്റിയത്.സംഭവത്തിൽ പൊലീസിന്റെ ഭാഗത്തു നിന്ന് സുരക്ഷാ വീഴ്ചയുണ്ടായെന്നും ഇതുമറച്ചുവെച്ചാണ് അന്വേഷണം നടത്തുന്നതെന്നും ചൂണ്ടിക്കാണിച്ച് വന്ദനയുടെ മാതാപിതാക്കളായ കെ ജി മോഹൻദാസും ടി വസന്തകുമാരിയും നൽകിയ ഹർജിയാണ് ജസ്റ്റിസ് ബെച്ചു കുര്യൻ തോമസ് പരിഗണിക്കുന്നത്.
