ആലപ്പുഴ: ആലപ്പുഴ വേമ്പനാട് കായലില് ഹൗസ്ബോട്ട് മുങ്ങി അപകടം. റിലാക്സിങ് കേരള എന്ന ബോട്ടാണ് റാണി കായല് ഭാഗത്ത് മുങ്ങിയത്. ഹൗസ് ബോട്ടിലുണ്ടായിരുന്ന തമിഴ്നാട് സ്വദേശികളായ മൂന്ന് യാത്രക്കാര് സുരക്ഷിതരാണെന്നാണ് വിവരം.ബോട്ടില് വെള്ളം കയറുന്നത് കണ്ട് ഇവരെ തൊട്ടടുത്തുണ്ടായിരുന്ന ബോട്ടിലേക്ക് മാറ്റുകയായിരുന്നു. ബോട്ട് മുങ്ങിത്താഴുന്നതിന് മുന്പ് മറ്റ് ഹൗസ് ബോട്ടുകളിലും സ്പീഡ് ബോട്ടുകളിലുമായി എത്തിയവര് യാത്രക്കാരെ രക്ഷിച്ചു.
അനസ് എന്നയാളുടെ ഉടമസ്ഥതയിലുള്ളതാണ ബോട്ടാണ് മുങ്ങിയത്. ബോട്ടിന്റെ അടിത്തട്ട് തകര്ന്ന് വെള്ളം കയറുകയായിരുന്നു. കായലില് സ്ഥാപിച്ച ഒരു കുറ്റിയില് ഇടിച്ച് ബോട്ടിന്റെ അടിപ്പലക തകര്ന്നതാണ് വെള്ളം കയറാന് കാരണമെന്ന് സംശയിക്കുന്നു. കാലപ്പഴക്കമുള്ള ബോട്ടാണ് മുങ്ങിത്താഴ്ന്നത്.
