ചെന്നൈ: ഐപിഎല്ലില് സണ്റൈസേഴ്സ് ഹൈദരാബാദിനെതിരെ ചെന്നൈ സൂപ്പര് കിംഗ്സിന് 135 റണ്സ് വിജയലക്ഷ്യം. ടോസ് നഷ്ടമായി ആദ്യം ബാറ്റ് ചെയ്ത ഹൈദരാബാദ് 20 ഓവറില് ഏഴ് വിക്കറ്റ് നഷ്ടത്തില് 134 റണ്സെടുത്തു. 34 റണ്സെടുത്ത അഭിഷേക് ശര്മയാണ് ഹൈദരാബാദിന്റെ ടോപ് സ്കോറര്. ചെന്നൈക്കൈയി രവീന്ദ്ര ജഡേജ നാലോവറില് 22 റണ്സിന് മൂന്ന് വിക്കറ്റെടുത്തു.
ഹൈദരാബദ് ആദ്യ നാലോവറില് 35 റണ്സടിച്ച് ഭേദപ്പെട്ട തുടക്കമിട്ടെങ്കിലും അഞ്ചാം ഓവറില് ഹാരി ബ്രൂക്കിനെ നഷ്ടമായത് സ്കോറിംഗിനെ ബാധിച്ചു. പവര് പ്ലേയില് ബ്രൂക്കിന്റെ നഷ്ടത്തില് 45 റണ്സടിച്ച ഹൈദരാബാദിനെ രണ്ടാം വിക്കറ്റില് രാഹുല് ത്രിപാഠിയും അഭിഷേകും ചേര്ന്ന് ഭേദപ്പെട്ട സ്കോറിലേക്ക് നയിക്കുമെന്ന് കരുതിയെങ്കിലും അഭിഷേകിനെ(26 പന്തില് 34) രവീന്ദ്ര ജഡേജ വിക്കറ്റ് വേട്ട തുടങ്ങിയതോടെ ഹൈദരാബാദിന്റെ പ്രതീക്ഷ മങ്ങി. ചെന്നൈക്കായി രവീന്ദ്ര ജഡേജ നാലോവറില് 22 റണ്സിന് മൂന്ന് വിക്കറ്റെടുത്തപ്പോള് മതീഷ പതിരാന മൂന്നോവറില് 15 റണ്സിന് ഒരു വിക്കറ്റും ആകാശ് സിംഗ് മൂന്നോവറില് 17 റണ്സിന് ഒരു വിക്കറ്റുമെടുത്തു.
