ജമ്മുകശ്മീർ : ജമ്മുകശ്മീരിലെ സോപോറിൽ മൂന്ന് ഭീകരർ സൈന്യത്തിന്റെ പിടിയിലായി. പിടിയിലായത് അൽ ബദർ സംഘടനയിലെ അംഗങ്ങളായ മൂന്ന് പേരെന്ന് സേന വ്യകത്മാക്കി. ഇവരിൽ നിന്നും ആയുധങ്ങളും സ്‌ഫോടക വസ്‌തുക്കളും പിടിച്ചെടുത്തതായി ജമ്മു പൊലീസ് അറിയിച്ചു. ഇന്നലെ ജമ്മു കശ്മീരിലെ ബന്ദിപ്പോരയിൽ സുരക്ഷ സേനക്ക് നേരെ ഭീകരർ നടത്തിയ ഗ്രനേഡ് ആക്രമണത്തിൽ ഒരു പൊലീസുകാരൻ മരിച്ചിരുന്നു. ആക്രമണത്തിൽ നാല് പേർക്ക് പരുക്കേറ്റു. സുരക്ഷ ജോലിക്കിടെയാണ് ആക്രമണം നടന്നത്. ഭീകരർക്കായി പ്രദേശത്ത് തെരച്ചിൽ നടക്കുകയാണ്.
