കൊച്ചി: തിരക്കഥാകൃത്ത്‌ ജോൺ പോളിന്റെ സംസ്‌ക്കാരം ഞായറാഴ്ച എളംകുളം സെന്റ് മേരീസ് സുനോറോ പള്ളിയില്‍ നടക്കും. നാളെ രാവിലെ 8 ന്‌ ലിസി ഹോസ്പിറ്റലിൽ നിന്നും പൊതു ദർശനത്തിനായി എറണാകുളം ടൗൺ ഹാളിൽ എത്തിക്കുന്ന മൃതദേഹം 12 .30ഓടെ വസതിയായ മരട് ,സെന്റ് ആന്റണീസ് റോഡ്, കൊട്ടാരം എൻക്ളേവിൽ കൊണ്ടുവരും.വൈകിട്ട്‌ 3 മണിയോടെ എളംകുളം സെന്റ് മേരീസ് സുനഹോ സിംഹാസന ചർച്ചിലേയ്ക്ക് സംസ്‌കാരത്തിനായി കൊണ്ടുപോകും.യാക്കോബായ സുറിയാനി സഭ മെത്രാപോലീത്തൻ ട്രസ്റ്റി ജോസഫ് മോർ ഗ്രിഗോറിയോസ് സംസ്കാര ശുശ്രൂഷയ്ക്ക് നേതൃത്വം നൽകും
