കണ്ണൂർ> പുതുപ്പള്ളി നിയമസഭ ഉപതെരഞ്ഞെടുപ്പിൽ പോളിങ്‌ ശതമാനം കുറഞ്ഞത്‌ സിപിഐ എം കെണിയെന്ന്‌ കെപിസിസി പ്രസിഡന്റ്‌ കെ സുധാകരൻ. മുഴുവൻ യുഡിഎഫ്‌ വോട്ടർമാർക്കും വോട്ടുചെയ്യാനായില്ല. വോട്ടിങ്ങ്‌ ശതമാനം കുറഞ്ഞത്‌ ബോധപൂർവമുണ്ടാക്കിയ കെണിയാണ്‌. കണ്ണൂരിൽ മാധ്യമ പ്രവർത്തകരോട്‌ സുധാകരൻ പറഞ്ഞു.ഇക്കാര്യത്തിൽ യുഡിഎഫ്‌ സ്ഥാനാർഥി ചാണ്ടി ഉമ്മന്റെ ആരോപണം വസ്‌തുതാപരമാണ്‌. പോളിങ്‌ ശതമാനം 80 ശതമാനത്തിലേറെ ഉയരുമെന്ന്‌ പ്രതീക്ഷിച്ചതായും സുധാകരൻ വ്യക്തമാക്കി.
