തിരുവനന്തപുരം: ലീഗുമായി പ്രശ്നങ്ങളൊന്നുമില്ലെന്നും എല്ലാകാലത്തും സൗഹൃദത്തിലാണ് പോയിട്ടുള്ളതെന്നും കെപിസിസി അധ്യക്ഷൻ കെ സുധാകരൻ.
ലോക്സഭ സീറ്റ് ചർച്ചകൾ യൂഡിഎഫ് ഭംഗിയായി പൂർത്തിയാക്കും. കോൺഗ്രസ് സ്ഥാനാർഥി നിർണയിച്ച ചർച്ച ഒരു ദിവസം കൊണ്ട് പൂർത്തിയാകുന്ന ഒന്നല്ല. ഇന്നത്തെ യോഗത്തിൽ തെരഞ്ഞെടുപ്പ് തന്ത്രങ്ങളാണ് പ്രധാന അജണ്ടയെന്നും സിറ്റിങ് എംപിമാർ മത്സരിക്കുന്ന കാര്യത്തിൽ ആലോചിച്ചു തീരുമാനമെടുക്കുമെന്നും അദ്ദേഹം വ്യക്തമാക്കി.
