കൊടുങ്ങല്ലൂർ > മത്സരയോട്ടം നടത്തിയ കാർ യാത്രികർ തമ്മിൽ സംഘർഷം. ഒരു കാർ തകർത്തു. ഒരാളെ പൊലീസ് കസ്റ്റഡിയിലെടുത്തു. കൊടുങ്ങല്ലൂരിലെ ചന്തപ്പുരയിൽ ദേശീയ പാതയിലാണ് കാർ തകർത്തത്. വടക്കു നിന്നാണ് രണ്ടു കാറുകൾ മത്സരയോട്ടം നടത്തി കൊടുങ്ങല്ലൂരിലെത്തിയത്. ഇവിടെ കാറുകൾ നിർത്തി യാത്രക്കാർ തമ്മിൽ സംഘർഷമായി. ഇതിനിടയിലാണ് ഒരു കാറിന്റെ ചില്ലുകൾ കരിങ്കല്ല് ഉപയോഗിച്ച് തകർത്തത്. പിന്നീട് സ്ഥലം വിട്ട കാറുകളിലൊന്ന് മതിലകത്ത് അപകടത്തിൽ പെട്ടു. ഈ കാറിൽ സഞ്ചരിച്ചിരുന്ന പത്താഴക്കാട് സ്വദേശി അസീമിനെ പൊലീസ് കസ്റ്റഡിയിലെടുത്തു. സംഭവത്തെക്കുറിച്ച്‌ പൊലീസ് അന്വേഷണം തുടങ്ങി.
