തിരുവനന്തപുരം: 2022 ലെ പത്താംതലം പ്രാഥമിക പൊതുപരീക്ഷയ്‌ക്ക് സ്ഥിരീകരണം രേഖപ്പെടുത്തുമ്പോള്‍ ഉദ്യോഗാര്‍ഥികള്‍ ശ്രദ്ധാപൂര്‍വം ചോദ്യപേപ്പര്‍ മാധ്യമം തെരഞ്ഞെടുക്കേണ്ടതാണെന്ന് പിഎസ്‌സി അറിയിച്ചു.സ്ഥിരീകരണം രേഖപ്പെടുത്തിയ സമയത്ത് ചോദ്യപേപ്പര്‍ മാധ്യമം രേഖപ്പെടുത്തുന്നതില്‍ പിശകുപറ്റിയ ഉദ്യോഗാര്‍ഥികള്‍ അവരുടെ യൂസര്‍ ഐഡി, മൊബൈല്‍ നമ്പര്‍, കാറ്റഗറി നമ്പര്‍, ആവശ്യമായ ചോദ്യപേപ്പര്‍ മാധ്യമം എന്നിവ വ്യക്തമായി രേഖപ്പെടുത്തി കേരള പിഎസ്‌സി ജോയിന്റ് പരീക്ഷാ കണ്‍ട്രോളര്‍ക്കോ അതത് ജില്ലാ ഓഫീസര്‍മാര്‍ക്കോ മാര്‍ച്ച് 11 നു മുമ്പായി ഇ- മെയില്‍ വഴിയോ തപാല്‍ മുഖേനയോ അപേക്ഷ നല്‍കണം
