മലപ്പുറം: മലപ്പുറം വേങ്ങരയില്‍ സ്‌പെയര്‍ പാര്‍ട്‌സ് കടയുടെ മറവില്‍ ലഹരി കച്ചവടം. സ്‌പെയര്‍ പാര്‍ട്‌സ് കടയുടെ മറവില്‍ എം ഡി എം എ കച്ചവടം നടത്തിവന്നിരുന്ന ഉടമ പിടിയിലായി. ചൂരല്‍മല ഹംസ ( 44 ) എന്ന കടയുടമ ആണ് പിടിയിലായത്. വേങ്ങര കൂരിയാട് ഭാഗത്ത് ഇയാളുടെ കടക്ക് സമീപം കാറില്‍ നിന്നാണ് എം ഡി എം എ യുമായി പിടികൂടിയത്. കടയില്‍ സ്‌പെയര്‍ പാര്‍ട്‌സ് വാങ്ങാനെന്ന വ്യാജേനയാണ് ആളുകള്‍ ലഹരി വാങ്ങുന്നതിന് ഇയാളെ സമീപിച്ചിരുന്നത്. സംഭവത്തില്‍ കൂടുതല്‍ അന്വേഷണം നടത്തുമെന്ന് പോലീസ് വ്യക്തമാക്കി. കടയില്‍ വെച്ചും പുറത്ത് വാഹനങ്ങളില്‍ കറങ്ങിയും ഇയാള്‍ എം ഡി എം എ വില്‍പ്പന നടത്താറുണ്ടെന്നാണ് വ്യക്തമാകുന്നത്.
