തിരുവനന്തപുരം: കേരളത്തിലെ വിവിധ ജില്ലകളില്‍ ഒറ്റപ്പെട്ട മഴ തുടരുന്നു. നാല് ജില്ലകളില്‍ ഇന്ന് യെല്ലോ അലര്‍ട്ട് പ്രഖ്യാപിച്ചു. എണറാകുളം, കോഴിക്കോട്, കണ്ണൂര്‍, കാസര്‍കോട് എന്നീ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചത്. മഴയും കടല്‍ക്ഷോഭവും കണക്കിലെടുത്ത് കണ്ണൂരില്‍ ബീച്ചുകളിലേക്കുള്ള യാത്ര താല്‍ക്കാലികമായി തടഞ്ഞു. ഇന്നലെ പെയ്ത കനത്ത മഴയില്‍ മട്ടന്നൂര്‍ വിമാനത്താവളത്തിലെ സംരക്ഷണ ഭിത്തി തകര്‍ത്ത് കാനയിലെ വെള്ളം ഗതിമാറി വീടുകളിലേക്കൊഴുകിയത് പ്രദേശത്തെ നിരവധി വീടുകളില്‍ നാശ നഷ്ടം ഉണ്ടാക്കി. അതേസമയം, മഴ കനത്ത പശ്ചാത്തലത്തില്‍ കണ്ണൂരിലെ വിവിധ ബീച്ചുകളികേക് സഞ്ചാരികള്‍ എത്തുന്നത് ജില്ലാ ടൂറിസം പ്രമോഷന്‍ കൗണ്‍സില്‍ തടഞ്ഞു. പയ്യാമ്പലം, മുഴപ്പിലങ്ങാട് ഡ്രൈവ് ഇന്‍ ബീച്ച്, ധര്‍മ്മടം അടക്കമുള്ള ബിച്ചുകളിലാണ് താല്‍ക്കാലിക യാത്ര നിരോധനം.
