കൊച്ചി> ജഡ്ജിമാര്ക്കെന്ന പേരില് കക്ഷികളില് നിന്ന് വന്തുക കോഴ വാങ്ങിയെന്നതടക്കമുള്ള ആരോപണങ്ങളെല്ലാം നിഷേധിച്ച് അഡ്വ. സൈബി ജോസ് കിടങ്ങൂര്. ആരോപണം സംബന്ധിച്ച് വിശദീകരണം ആവശ്യപ്പെട്ട് കേരള ബാര് കൗണ്സില് നല്കിയ നോട്ടീസിന് നല്കിയ മറുപടിയിലാണ് സൈബി ആരോപണങ്ങളെല്ലാം നിഷേധിച്ചത്.|
സൈബി നല്കിയ വിശദീകരണം പരിശോധിക്കാന് ബാര് കൗണ്സിലിന്റെ യോഗം അടുത്തദിവസം ചേരും. കേരള ഹൈക്കോടതി അഭിഭാഷക അസോസിയേഷന് തെരഞ്ഞെടുപ്പുമായി ബന്ധപ്പെട്ട തര്ക്കങ്ങളാണ് ആരോപണത്തിന് പിന്നിലെന്നും തനിക്കെതിരെ ഗൂഢാലോചന നടന്നിട്ടുണ്ടെന്നുമാണ് സൈബിയുടെ വിശദീകരണം. ഗൂഢാലോചനയടക്കമുള്ള കാര്യങ്ങള് ബാര് കൗണ്സില് അന്വേഷിക്കണമെന്നും സൈബി നല്കിയ മറുപടിയില് ആവശ്യപ്പെട്ടിട്ടുണ്ട്.
