തലശേരി: മത വിദ്വേഷമുണ്ടാക്കുന്ന രീതിയിൽ പ്രകോപന മുദ്രാവാക്യം മുഴക്കി പ്രകടനം നടത്തിയ അഞ്ച്‌ ആർഎസ്‌എസുകാർ കൂടി അറസ്റ്റിൽ. ശിവപുരത്തെ കണ്ടത്തിൽ പുരയിൽ പി റിജിൽ (27), കാരാക്രയിൽ കെ ശ്രീജിത്ത് (32), മുരിക്കിൽ വീട്ടിൽ സി പ്രവീൺ (29), നന്ദനത്തിൽ സി എം ജനീഷ് (34), കോളാരിയിലെ പീടികയിൽ കണ്ടി കെ സായൂജ് (26) എന്നിവരെയാണ്‌ അറസ്‌റ്റ്‌ ചെയ്‌തത്‌. തലശേരി ജുഡീഷ്യൽ് ഒന്നാംക്ലാസ്‌ മജിസ്‌ട്രേട്ട്‌ കോടതി റിമാൻഡ്‌ ചെയ്‌തു. ഇതോടെ കേസിൽ അറസ്റ്റിലായവർ പതിമൂന്നായി. ഡിസംബർ ഒന്നിന് തലശേരിയിൽ യുവമോർച്ച സംഘടിപ്പിച്ച റാലിയിലായിരുന്നു പ്രകോപന മുദ്രാവാക്യം.
