പാലക്കാട് : രണ്ടുമാസം മുൻപ് സുഹൃത്ത് ആഷീഖി(23)നെ കൊലപ്പെടുത്തി കുഴിച്ചുമൂടിയതായി യുവാവ് പട്ടാമ്പി പോലീസിന് മൊഴി നൽകി. കഞ്ചാവ് കേസിൽ പിടികൂടിയ ആഷീഖിന്റെ സുഹൃത്ത് ഫിറോസാണ് പോലീസിനോട് ഇക്കാര്യം പറഞ്ഞത്. ഒറ്റപ്പാലം ചിനക്കത്തൂർ ഭാഗത്താണ് കൊല നടത്തിയതെന്നാണ് മൊഴി. കൊല്ലപ്പെട്ടെന്നു പറയുന്ന ആഷീഖ് നിരവധി ക്രിമിനൽ കേസുകളിൽ പ്രതിയാണെന്നാണ് പോലീസിനുള്ള വിവരം. കൂടുതൽ പരിശോധനയ്ക്കായി ഫിറോസുമായി പോലീസ് ചിനക്കത്തൂരിൽ എത്തി.
