കോന്നി : കോന്നി കൾച്ചറൽ ഫോറത്തിന്റെ ആഭിമുഖ്യത്തിൽ ആരംഭിച്ച കോന്നി ഫെസ്റ്റിന് തിരിതെളിഞ്ഞു. 2022 ഡിസംബർ 22 മുതൽ 2023 ജനുവരി 02 വരെ പ്രമാടം രാജീവ് ഗാന്ധി ഇൻഡോർ സ്റ്റേഡിയത്തിൽ വ്യാപാര, വിജ്‌ഞാന, പുഷ്‌പോത്സവ കലാ മേളയായ കോന്നി ഫെസ്റ്റ് അരങ്ങേറുന്നത്. 100 ൽ പരം വ്യാപാര ശാലകൾ, അപൂർവ്വ ഇനങ്ങൾ ഉൾപ്പെടുന്ന പുഷ്പ – ഫലപ്രദർശന വിപണനം, കുട്ടികൾക്കുള്ള വിനോദങ്ങൾ, വിദ്യാർത്ഥികൾക്കുള്ള മത്സരങ്ങൾ, തദ്ദേശിയരായ കലാകാരന്മാരുടെ കലാ പ്രകടനങ്ങൾ, പ്രശസ്തരായ കലാകാരന്മാർ അണിനിരക്കുന്ന കലാസന്ധ്യകൾ തുടങ്ങിയവയാണ് കോന്നി ഫെസ്റ്റിൽ അണിനിരക്കുന്നത്.
കോന്നി കൾച്ചറൾ ഫോറത്തിന്റെ ചെയർമാൻ റോബിൻ പീറ്റർ അദ്ധ്യക്ഷത വഹിച്ചു. അടൂർ പ്രകാശ് MP ഫെസ്റ്റ് ഉത്ഘാടനം ചെയ്തു. പ്രശസ്ത കലാകാരൻ കലാഭവൻ നവാസ് കലാ സന്ധ്യ ഉത്ഘാടനം ചെയ്തു. ഐ റ്റി ഡി സി ഡയറക്ടർ കെ.പത്മകുമാർ, കൾച്ചറൾ ഫോറം കൺവീനർ ദീനാമ്മ റോയി ഗ്രാമ പഞ്ചായത്ത് പ്രസിഡന്റന്മാരായ എൻ. നവനീത്, സുലേഖ വി. നായർ, പ്രോഗ്രാം കോ-ഓർഡിനേറ്റർ ബിനു കെ. സാം, റോജി ഏബ്രഹാം, ശോഭ മുരളി, പി.എച്ച് ഫൈസൽ, രാജി. സി. ബാബു, പാർവ്വതി ജഗീഷ്, പ്രവീൺ പ്ലാവിളയിൽ, വാഴവിള അച്ചുതൻ നായർ, അർച്ചന ബാലൻ, എസ്.സന്തോഷ് കുമാർ, അബ്ദുൾ മുത്തലീഫ്, ജോസ് കൊന്നപ്പാറ, രാജൻ പടിയറ, ശാന്തിജൻ ചൂരക്കുന്നേൽ, എലിസബത്ത് അബു, ചിറ്റാർ ആനന്ദൻ, സതീഷ് മല്ലശ്ശേരി എന്നിവർ പ്രസംഗിച്ചു. ഉത്ഘാടനത്തോടനുബന്ധിച്ച് ശ്രീ മഹാദേവ വാദ്യ കലാപീഠം അവതരിപ്പിച്ച പഞ്ചാരിമേളം സാരംഗ് പത്തനംതിട്ട അവതരിപ്പിച്ച ഗാനമേളയും അരങ്ങേറി.
ഫെസ്റ്റിൽ ഇന്ന് (23.12.22) വൈകിട്ട് 6 മുതൽ പ്രമാടം പ്രതീക്ഷ ബാലസഭ അവതരിപ്പിക്കുന്ന നാടൻ പാട്ട്, കോമഡി സ്കിറ്റ്, സിനിമാറ്റിക് ഡാൻസ് പ്രശസ്ത ചലച്ചിത്ര – സീരിയൽ താരം മനോജ് ഗിന്നസ് മെഗാ ഷോ എന്നിവ അരങ്ങേറും
