കോട്ടയം: കോട്ടയത്തെ ആകാശപാതയുടെ ബല പരിശോധന ഇന്ന് രാത്രി തുടങ്ങും. പാലക്കാട് ആര്.ഐ.ടിയില് നിന്നുള്ള വിദഗ്ധ സംഘമാണ് പരിശോധന നടത്തുക. വിദഗ്ധ സംഘത്തിന്റെ പരിശോധന റിപ്പോര്ട്ട് അനുസരിച്ചാകും ആകാശപാത പദ്ധതി തുടരണോ പൊളിച്ചു നീക്കണോ എന്ന് തീരുമാനിക്കുക. ഹൈക്കോടതി നിര്ദേശപ്രകാരമുള്ള ബലപരിശോധനയുടെ ഭാഗമായി ഇന്ന് മുതല് ചൊവ്വാഴ്ച വരെ രാത്രിയില് ഗതാഗത നിയന്ത്രണമേര്പ്പെടുത്തി. രാത്രി 10 മണി മുതല് രാവിലെ ആറ് മണി വരെയാണ് പരിശോധന.
ആകാശപാത അപകട ഭീഷണിയാണെന്ന ഹര്ജി കോടതിയുടെ പരിഗണനയിലാണ്. കോട്ടയം സ്വദേശി ശ്രീകുമാറാണ് കോടതിയെ സമീപിച്ചത്.ആകാശപാതയുടെ നിര്മ്മാണം പൂര്ത്തീകരിക്കാന് കലക്ടര് ഉള്പ്പെടെയുള്ള ഉദ്യോഗസ്ഥര് നടപടികള് സ്വീകരിക്കണമെന്ന് കഴിഞ്ഞ നവംബറില് ഹൈക്കോടതി നിര്ദേശിച്ചിരുന്നു. 2.10 കോടി രൂപ ചെലവഴിച്ചാണ് ആകാശപാത നിര്മിച്ചത്. അതേസമയം നിര്മാണം പൊളിച്ചു നീക്കരുതെന്ന് ആവശ്യപ്പെട്ട് തിരുവഞ്ചൂര് രാധാകൃഷ്ണന് ഹര്ജിയില് കക്ഷി ചേര്ന്നിട്ടുണ്ട്. പരിശോധനയുടെ ഭാഗമായുള്ള രാത്രി കാലത്തെ ഗതാഗത നിയന്ത്രണങ്ങള് ഇങ്ങനെയാണ്. തിരുവനന്തപുരത്തുനിന്ന് ഏറ്റുമാനൂരിലേക്കുള്ള ഭാരവാഹനങ്ങള് നാട്ടകം സിമന്റ് കവലയില് നിന്ന് തിരിഞ്ഞും ഏറ്റുമാനൂരില് നിന്ന് തിരുവനന്തപുരത്തേക്കുള്ള വാഹനങ്ങള് നാഗമ്പടം വഴിയും പോകണം.
