കോഴിക്കോട്∙ സിറ്റി ട്രാഫിക് പൊലീസ് എസ്ഐ മണക്കടവ് സ്വദേശി വിചിത്രൻ (52) വാഹന അപകടത്തിൽ മരിച്ചു. വെള്ളിയാഴ്ച രാത്രി 10.30 ഓടെ ചാലപ്പുറം മാങ്കാവ് റോഡിൽ മൂരിയാടായിരുന്നു അപകടം. രാത്രി ട്രാഫിക് ഡ്യൂട്ടി കഴിഞ്ഞു വീട്ടിലേക്ക് പോകുകയായിരുന്നു.
റോഡരികിൽ കിടന്ന വിചിത്രനെ 2 യുവാക്കളാണ് പിവിഎസ് ആശുപത്രിയിലെത്തിച്ചതെന്ന് പൊലീസ് പറഞ്ഞു. ഇവിടെനിന്ന് ആസ്റ്റർ മിംസിലേക്ക് മാറ്റിയെങ്കിലും പുലർച്ചയോടെ മരിച്ചു. തലയ്ക്കാണ് പരുക്കേറ്റത്.
