കോഴിക്കോട്: യുവാവിനെ അരിവാള് കൊണ്ട് വെട്ടിപരിക്കേല്പ്പിച്ചു. പോത്ത് പറമ്പില്കയറിയെന്ന് ആരോപിച്ചാണ് പറമ്പുടമ യുവാവിനെ ആക്രമിച്ചത്. കോഴിക്കോട് കട്ടിപ്പാറ കുളക്കാട്ടുകുഴിയില് പുഴങ്ങര മുഹമ്മദിന്റെയും ജമീലയുടെയും മകന് അര്ഷദ് ഷനിമിന് (24) ആണ് അരിവാള് ആക്രമണത്തില് പരുക്കേറ്റത്. താമരാക്ഷന് എന്നയാളാണ് യുവാവിനെ വെട്ടിപരിക്കേല്പ്പിച്ചത്. തിങ്കളാഴ്ച വൈകുന്നേരം അഞ്ച് മണിയോടെയാണ് സംഭവം.
ആക്രമണത്തില് പരിക്കേറ്റ അര്ഷദ് ഷനിം താമരശ്ശേരി താലൂക്ക് ആശുപത്രിയില് ചികിത്സ തേടി. തുടര് ചികിത്സയ്ക്കായി കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്. കട്ടിപ്പാറ പഞ്ചായത്ത് വാര്ഡ് ആറില് കുളക്കാട്ട്കുഴിയില് വേനക്കാവ് താമരാക്ഷന് അരിവാള് കൊണ്ട് ഗുരുതരമായി പരിക്കേല്പ്പിച്ചുവെന്ന് അര്ഷദ് താമരശ്ശേരി പോലീസില് നല്കിയ പരാതിയില് വ്യക്തമാക്കിയിട്ടുണ്ട്.
