നാദാപുരം: മത്സര ഓട്ടം നടത്തി സ്റ്റാൻഡിലെത്തുന്ന സ്വകാര്യ ബസുകളിൽ കയറിപ്പറ്റാൻ പെൺകുട്ടികൾക്ക് പെടാപ്പാട്. കുട്ടികളെ അകറ്റി നിർത്താൻ ബസുകളിലെ ക്ലീനർമാർക്കും കണ്ടക്ടർമാർക്കുമുള്ള വിരുത് വേറെ തന്നെ. ദയ കാണിക്കുന്ന ബസ് ജീവനക്കാരോട് ‘ഒന്നൊഴിവാക്കെന്നേ’ എന്നു കയർക്കുന്ന ഡ്രൈവർമാരുമുണ്ട്. ബസ് സ്റ്റാൻഡിലെ പൊലീസ് എയ്ഡ് പോസ്റ്റിൽ സ്കൂൾ, കോളജ് സമയങ്ങളിലെങ്കിലും പൊലീസിനെ നിയോഗിച്ചാൽ പരിഹരിക്കപ്പെടുന്നതാണ് പ്രശ്നമെങ്കിലും പലപ്പോഴും പൊലീസ് എയ്ഡ് പോസ്റ്റിൽ പൊലീസുകാർ ഉണ്ടാകാറില്ല.
