പാലക്കാട്: പട്ടാമ്പി മുന് നഗരസഭ ചെയര്മാനും ഡി സി സി വൈസ് പ്രസിഡന്റും കോണ്ഗ്രസ്സ് നേതാവുമായിരുന്ന കെ എസ് ബി എ തങ്ങള് അന്തരിച്ചു. 61 വയസ്സായിരുന്നു. എറണാകുളത്ത് സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം. അര്ബുദരോഗ ബാധയെ തുടര്ന്ന് എറണാകുളത്തെ സ്വകാര്യ ആശുപത്രിയില് ചികിത്സയിലായിരുന്നു. ദീര്ഘകാലമായി കോണ്ഗ്രസിലുള്ള തങ്ങള് ജില്ലാ കോണ്ഗ്രസ് കമ്മിറ്റിയുടെ വൈസ് പ്രസിഡണ്ട് ആണ്. എംഇഎസ് സംസ്ഥാന എക്സിക്യൂട്ട് കമ്മിറ്റി അംഗമാണ്. പട്ടാമ്പിയിലെ എംഇഎസ് സെന്ട്രല് സ്കൂളിന്റെയും അനുബന്ധ സ്ഥാപനങ്ങളുടെയും ഭാരവാഹിയാണ്. ദീര്ഘകാലം പട്ടാമ്പി ഗ്രാമപഞ്ചായത്ത് അംഗമായിരുന്ന തങ്ങള് ഗ്രാമപഞ്ചായത്ത് പ്രസിഡണ്ടും നഗരസഭ ചെയര്മാനും ആയിരുന്നിട്ടുണ്ട്. കഴിഞ്ഞ നിയമസഭാ തിരഞ്ഞെടുപ്പില് പട്ടാമ്പിയില് കോണ്ഗ്രസ് സ്ഥാനാര്ത്ഥിയായി തങ്ങളുടെ പേര് ഉയര്ന്നു കേട്ടിരുന്നു.
