തിരുവനന്തപുരം: നഗരത്തിലെ ടൂറിസം കേന്ദ്രങ്ങളിലേക്ക് കെഎസ്ആർടിസിയുടെ ഓപ്പൺ ഡെക്ക് ഡബിൾ ഡെക്കർ ബസിൽ നടത്തുന്ന സിറ്റി റൈഡ് സർവീസ് വൻ വിജയം. സർവീസ് ആരംഭിച്ച 18 മുതൽ 21 വരെ രാത്രിയാത്രയിൽ മുഴുവൻ സീറ്റും യാത്രക്കാർ കൈയടക്കി. മൂന്ന് ദിവസം അപ്പർ ഡെക്കർ സീറ്റുകളിൽനിന്നായി 24,500 രൂപ വരുമാനവും ലഭിച്ചു.
ബസിന്റെ പ്രചാരണാർഥം നടത്തുന്ന സ്‌പോൺസർ സർവീസുകളിൽ വെള്ളി രാവിലെ ഒമ്പത്‌ മുതൽ വൈകിട്ട്‌ അഞ്ച്‌ വരെ ഓൾഡേജ് ഹോമിലെ 54 അന്തേവാസികൾക്ക് സൗജന്യ യാത്ര ഒരുക്കും. സീറ്റ് ബുക്ക് ചെയ്യുന്നതിന് പേര്, മൊബൈൽ നമ്പർ, യാത്രാ തീയതി, വേണ്ട സീറ്റുകളുടെ എണ്ണം എന്നീ വിവരങ്ങൾ 9447479789, 8129562972 നമ്പരിലേക്ക്‌ വാട്സാപ്‌ ചെയ്യുക.
