ഗുഡല്ലൂർ > പന്തലൂരില്‍ മുന്നുവയസ്സുകാരിയെ കടിച്ചുകൊന്ന പുലിയെ മയക്കുവെടി വച്ച്‌ പിടികൂടി. തീവ്ര ശ്രമത്തിനൊടുവിലാണ്‌ പുലിയെ പിടികൂടിയത്‌. പ്രദേശത്ത് പ്രവേശനത്തിന്‌ നിയന്ത്രണം ഏർപ്പെടുത്തി. ഇന്നലെ മൂന്ന് വയസുകാരിയെ പുലി ആക്രമിച്ച് കൊലപ്പെടുത്തിയ സംഭവത്തില്‍ നാട്ടുകാരുടെ ശക്തമായ പ്രതിഷേധമാണ് പ്രദേശത്ത്. പുലിയെ ഉടന്‍ തന്നെ വെടിവെച്ച് കൊല്ലണമെന്ന് ആവശ്യപ്പെട്ട് നാട്ടുകാര്‍ ഇന്ന് കോഴിക്കോട് – ഗൂഡല്ലൂര്‍ ദേശീയപാത ഉപരോധിക്കുകയും ചെയ്‌തു.
പന്തല്ലൂര്‍ ബിതേര്‍ക്കാട് മാംഗോ എസ്‌റ്റേറ്റിലെ തൊഴിലാളികളുടെ മകളായ നാന്‍സിയാണ് മരിച്ചത്. പുലി പിടിച്ചുകൊണ്ടുപോയ കുട്ടിയെ നീണ്ട തിരച്ചിലിനൊടുവിലാണ് തേയിലച്ചെടികള്‍ക്കിടയില്‍ കണ്ടെത്തിയത്‌. ആശുപത്രിയിലെത്തിച്ച കുട്ടി ഇവിടെവെച്ച് മരണപ്പെടുകയായിരുന്നു.
