പാലക്കാട് > ധോണി മൂലപ്പാടത്ത് വീണ്ടും പുലിയിറങ്ങിയതായി നാട്ടുകാർ. മൂലപ്പാടം സ്വദേശി ഷംസുദ്ദീന്റെ പശുവിനെയാണ് പുലി പിടിച്ചത്. പുലർച്ചെയായിരുന്നു സംഭവം.
പുലി പശുവിനെ പിടിക്കുന്നത് കണ്ടതായും ശബ്ദം കേട്ട് ഓടിയെത്തിയപ്പോഴേക്കും പുലി ഓടി മറഞ്ഞതായും ഷംസുദ്ദീൻ പറഞ്ഞു. വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി. പുലിയുടെ സാന്നിധ്യമുണ്ടെന്നാണ് പ്രാഥമിക സ്ഥിരീകരണം.
