കുവൈത്ത് സിറ്റി: കുവൈത്തില് വിവിധ പ്രദേശങ്ങളിൽ മദ്യ നിര്മ്മാണവുമായി ബന്ധപ്പെട്ട കേസുകളില് 12 പ്രവാസികൾ അറസ്റ്റിൽ. ഏഴ് വ്യത്യസ്ത കേസുകളിലായാണ് പ്രതികൾ പിടിയിലായിട്ടുള്ളതെന്ന് അധികൃതർ അറിയിച്ചു.
ഏഷ്യക്കാരാണ് അറസ്റ്റിലായത്. പ്രാദേശികമായി മദ്യം ഉൽപ്പാദിപ്പിക്കുന്നതായും വിൽപ്പന നടത്തുന്നതായും വിവരങ്ങൾ ലഭിച്ചതിനെ തുടർന്ന് നടത്തിയ പരിശോധനയിലാണ് ഇവരെ അറസ്റ്റ് ചെയ്തത്. മദ്യം ഉൽപ്പാദിപ്പിക്കാൻ വേണ്ട സജ്ജീകരണങ്ങളുള്ള ആറ് അപ്പാര്ട്ട്മെന്റുകളില് അധികൃതര് റെയ്ഡ് നടത്തി. പ്രാദേശികമായി നിര്മ്മിച്ച 7854 കുപ്പി മദ്യം, മദ്യനിര്മ്മാണത്തിന് ഉപയോഗിക്കുന്ന 116 ബാരല് അസംസ്കൃത വസ്തുക്കള് എന്നിവയും പിടിച്ചെടുത്തു. പ്രതികളെയും പിടിച്ചെടുത്ത വസ്തുക്കളും ബന്ധപ്പെട്ട അതോറിറ്റിയിലേക്ക് കൈമാറി.
