മസ്കറ്റ്: വ്യാഴാഴ്ച മുതല് ഞായറാഴ്ച വരെ രാജ്യത്തെ ന്യൂനമര്ദ്ദം ബാധിക്കുമെന്ന് ഒമാന് സിവില് ഏവിയേഷന് അതോറിറ്റി അറിയിച്ചു. രാജ്യത്തിന്റെ വിവിധ ഗവര്ണറേറ്റുകളില് ഒറ്റപ്പെട്ട മഴ ലഭിച്ചേക്കും.മുസന്ദം, നോര്ത്ത് അല് ബത്തിന് ഗവര്ണറേറ്റുകളില് വ്യാഴാഴ്ച വൈകുന്നേരം മഴ പ്രതീക്ഷിക്കുന്നുണ്ട്. വടക്കുപടിഞ്ഞാറന് കാറ്റിന്റെ ഭാഗമായി മരുഭൂമികളില് പൊടി ഉയരാനും സാധ്യതയുണ്ട്. മുസന്ദം, വടക്കന് ബത്തിന തീരങ്ങളില് വ്യാഴാഴ്ച കടല് പ്രക്ഷുബ്ധമാകും. വെള്ളിയാഴ്ച മുതല് ഞായറാഴ്ച വരെ ഭൂരിഭാഗം പ്രദേശങ്ങളിലും കടലിൽ തിരമാലകള് ഉയരാനുള്ള സാധ്യതയുമുണ്ട്.
