കൊൽക്കത്ത: മന്ത്രി പാർത്ഥ ചാറ്റർജിയുടെ അറസ്റ്റ് മമതയ്ക്ക് എതിരായ ആയുധമാക്കി ബിജെപി. ബംഗാൾ മന്ത്രിയുടെ അറസ്റ്റിൽ മമത പുലർത്തി പോരുന്ന മൗനം കുറ്റസമ്മതമെന്ന് ബിജെപി. പാർത്ഥയിൽ നിന്ന് അകലാൻ മമത ശ്രമിച്ചാലും ഇരുവരും തമ്മിലുള്ള ബന്ധം പകൽ പോലെ വ്യക്തമാണെന്ന് ബിജെപി ഐടി സെൽ മേധാവി അമിത് മാളവ്യ പറഞ്ഞു. അതേസമയം ദേഹാസ്വാസ്ഥ്യത്തെ തുടർന്ന് സർക്കാർ ആശുപത്രിയിൽ ചികിത്സ തേടിയ പാർത്ഥ ചാറ്റർജിയെ സൈനിക ആശുപത്രിയിലേക്ക് മാറ്റണമെന്ന് ആവശ്യപ്പെട്ട് ഇഡി കൊൽക്കത്ത ഹൈക്കോടതിയെ സമീപിച്ചു. പാർത്ഥ ചാറ്റർജിയുടെ ആരോഗ്യസ്ഥതിയിലും ആശുപത്രിയിലെ ചികിത്സയിലും സംശയം പ്രകടിപ്പിച്ചാണ് ഇഡിയുടെ നീക്കം.
