തിരുവനന്തപുരം: നിര്ധനരായ കിടപ്പു രോഗികള്ക്കായുള്ള മമ്മൂട്ടിയുടെ ആശ്വാസം പദ്ധതിയ്ക്ക് തിരുവനന്തപുരത്തും തുടക്കം. മമ്മൂട്ടിയുടെ ജീവകാരുണ്യ പ്രസ്താനമായ കെയര് ആന്ഡ് ഷെയര് ഇന്ര്നാഷണല് ഫൗണ്ടേഷനും ആലുവ രാജഗിരി ആശുപത്രിയുമായി ചേര്ന്ന് നടപ്പാക്കുന്ന പദ്ധതിയുടെ ജില്ലാതല ഉദ്ഘാടനം വെട്ടിയാട് എംജിഎം സ്കൂളില് ജൂലൈ 26ന് വൈകുന്നേരം നടക്കും. മന്ത്രി ജി.ആര് അനില് പദ്ധതി ഉദ്ഘാടനം ചെയ്യും.
മമ്മൂട്ടി സ്ഥാപിച്ച കെയര് ആന്ഡ് ഷെയര് ഇന്റര്നാഷണല് ഫൗണ്ടേഷന്റെ വൈസ് ചെയര്മാന് ഗീവര്ഗീസ് യോഹന്നാന് ഉദ്ഘാടനചടങ്ങില് അധ്യക്ഷത വഹിക്കും. ജില്ലയുടെ വിവിധ ഭാഗങ്ങളില് ഉള്ള നിര്ധനരായ കിടപ്പ് രോഗികള്ക്കും അവരെ ശുസ്രൂഷിക്കുന്ന വൃദ്ധ മന്ദിരങ്ങള്ക്കും പാലിയേറ്റിവ് സോസൈറ്റിക്കള്ക്കുമായി മുപ്പത്തിലധികം അപേക്ഷകള് ലഭിച്ചിരുന്നതില് നിന്നുമാണ് തികച്ചും അര്ഹരായ പതിമൂന്ന് പ്രസ്ഥാനങ്ങളെ കണ്ടെത്തിയിരിക്കുന്നതെന്ന് കെയര് ആന്ഡ് ഷെയര് ഇന്റര്നാഷണല് ചെയര്മാന് കെ മുരളീധരന് എസ് എഫ് സി അറിയിച്ചു. കഴിഞ്ഞ മാസം ആശ്വാസം പദ്ധതിയുടെ സംസ്ഥാന തല ഉദ്ഘാടനം മമ്മൂട്ടി കൊച്ചിയില് നിര്വ്വഹിച്ചിരുന്നു.
