വിതുര: വീടിനോട് ചേർന്ന പുരയിടത്തിൽ പന്നി ശല്യം ഒഴിവാക്കാൻ കെട്ടിയ വൈദ്യുതി കമ്പിയിൽനിന്ന് ഷോക്കേറ്റ് ബാലരാമപുരം മാരായമുട്ടം സ്വദേശി ശെൽവരാജൻ മരിച്ച സംഭവത്തിൽ വിതുര മേമല സ്വദേശി കുര്യൻ എന്ന സണ്ണി അറസ്റ്റിൽ. തിരുവനന്തപുരം സ്വദേശി നസീർ മുഹമ്മദിന്റെ ഉടമസ്ഥതയിലുള്ള വീട്ടിൽ കുര്യൻ വാടകക്ക് താമസിക്കുകയാണ്.
പുരയിടത്തിൽ പന്നിശല്യം രൂക്ഷമായതിനാൽ കമ്പിവേലിയിൽ വൈദ്യുതി കടത്തിവിട്ടിരുന്നു. ഇതിൽ തട്ടിയാണ് കർഷകനും ലോട്ടറി ടിക്കറ്റ് വിൽപനക്കാരനുമായ ശെൽവരാജൻ മരിച്ചത്. പോസ്റ്റ്മോർട്ടത്തിലാണ് മരണം വൈദ്യുതാഘാതത്താലാണെന്ന് തെളിഞ്ഞത്. മനഃപൂർവമല്ലാത്ത നരഹത്യക്കാണ് കേസ്.
