ഇടുക്കി: നെടുങ്കണ്ടം താലൂക്ക് ആശുപത്രിയിൽ പൊലീസ് ചികിത്സക്കെത്തിച്ചയാൾ അക്രമാസക്തനായി. ഒടുവിൽ കെട്ടിയിട്ട ശേഷമാണ് ചികിത്സ നൽകിയത്. നെടുങ്കണ്ടം സ്വദേശി പ്രവീൺ ആണ് അക്രമാസക്തനായത്.മദ്യപിച്ചുണ്ടായ അടിപിടിക്കേസിൽ പരിക്കേറ്റാണ് പൊലീസ് ഇയാളെ ഇന്നലെ രാത്രി ആശുപത്രിയിൽ എത്തിച്ചത്. ആദ്യം ചികിത്സ വേണ്ടെന്ന് പറഞ്ഞ് ഇയാൾ ഇറങ്ങിയോടിയെങ്കിലും പൊലീസ് വീണ്ടും ആശുപത്രിയിൽ എത്തിക്കുകയായിരുന്നു. ഇതോടെയാണ് ഇയാൾ ആശുപത്രിയിൽ അക്രമാസക്തനായത്.
ചികിത്സ നൽകണമെങ്കിൽ സുരക്ഷ നൽകണമെന്ന് ഡോക്ടറും ആവശ്യപ്പെട്ടു. ഇതോടെ ഇയാളുകൾ കാലുകൾ കെട്ടിയിട്ട ശേഷമാണ് ചികിത്സ നൽകിയത്.അതേസമയം, കൊട്ടാരക്കര താലൂക്ക് ആശുപത്രിയിൽ പൊലീസ് ചികിത്സക്കെത്തിച്ചയാളുടെ കുത്തേറ്റ് കൊല്ലപ്പെട്ട യുവ ഡോക്ടർ വന്ദന ദാസിന് നാട് കണ്ണീരോടെ വിട നൽകി. അന്ത്യാഞ്ജലിയർപ്പിക്കാൻ ആയിരക്കണക്കിന് പേരെത്തി. മന്ത്രിമാരും പ്രതിപക്ഷ നേതാക്കളും ഉൾപ്പെടെ പ്രമുഖർ സംസ്കാര ചടങ്ങിൽ പങ്കെടുത്തു.
