കോഴിക്കോട്∙ നാദാപുരം എടച്ചേരി വേങ്ങോളി കനാലിൽ വീണ് വയോധികൻ മരിച്ചു. വെങ്കല്ലൂരിലെ കൂടത്താം കണ്ടി വാസു (65) ആണ് മരിച്ചത്.
വീടിന് സമീപത്തെ മാഹി കനാലിന്റെ ഭാഗമായുള്ള വേങ്ങോളി കനാലിൽ അബദ്ധത്തിൽ വീഴുകയായിരുന്നു. നാട്ടുകാർ വിവരം അറിയിച്ചതിനെ തുടർന്ന് വടകര അഗ്നിരക്ഷാ സേനയും എടച്ചേരി പൊലീസും സ്ഥലത്തെത്തി. മുങ്ങൽ വിദഗ്ധർ തിരച്ചിൽ നടത്തിയതിനെ തുടർന്ന് ആറരയോടൊണ് മൃതദേഹം കിട്ടിയത്.വാസു താമരശ്ശേരി മൂന്നാം തോട് സ്വദേശിയാണ്. ഭാര്യ: തങ്കമണി. മക്കൾ: ധന്യ, നിധീഷ് ( ഉണ്ണി). മരുമക്കൾ സജിത, സുരേഷ് ബാബു (താമരശ്ശേരി).
