പാലക്കാട് : പാലക്കാട് അട്ടപ്പാടിയില് കാട്ടാന ആക്രമണത്തില് പരുക്കേറ്റയാള് മരിച്ചു. ചീരക്കടവ് സ്വദേശി മല്ലനാണ് (60) മരിച്ചത്. ചീരക്കടവിലെ വന മേഖലയില് ഇന്നലെ ഉച്ചയോടെയായിരുന്നു ആക്രമണം. വനാതിര്ത്തിയോട് ചേര്ന്ന പ്രദേശത്ത് പശുവിനെ മേയ്ക്കാന് വീട്ടില് നിന്നിറങ്ങിയതായിരുന്നു. വാരിയെല്ലിനും നെഞ്ചിലും സാരമായി പരുക്കേറ്റു. ആന തുമ്പിക്കൈകൊണ്ട് തട്ടിയിട്ടതായാണ് വിവരം. കോട്ടത്തറ ട്രൈബല് ആശുപത്രിയിലേക്കാണ് ആദ്യം കൊണ്ടുപോയത്. അതിനുശേഷം വെന്റിലേറ്റര് സഹോയത്തോടെ തൃശൂര് മെഡിക്കല് കോളേജ് ആശുപത്രിയിലേക്ക് മാറ്റുകയായിരുന്നു.
