മാനന്തവാടി: ജാമ്യത്തിലിറങ്ങി മുങ്ങിയ പ്രതി പത്തു വര്‍ഷങ്ങള്‍ക്ക് ശേഷം പിടിയില്‍. കുഴിനിലം പുത്തന്‍പുര കോളനി മജീദ്(37) നെയാണ് മാനന്തവാടി പൊലീസ് കസ്റ്റഡിയിലെടുത്തത്. 2013-ല്‍ അയല്‍വാസിയുമായുണ്ടായ അടിപിടിയുമായി ബന്ധപ്പെട്ട കേസില്‍ ജാമ്യത്തിലിറങ്ങി മുങ്ങിയതായിരുന്നു. കുടകിലായിരുന്ന ഇയാള്‍ തിരികെ നാട്ടിലെത്തിയപ്പോഴാണ് പിടികൂടിയത്. എസ് ഐ ജാന്‍സി, സീനിയര്‍ സിവില്‍ പൊലീസ് ഓഫീസര്‍ അഞ്ജിത്ത് എന്നിവരാണ് പ്രതിയെ കണ്ടെത്തി കസ്റ്റഡിയില്‍ എടുത്തത്.
