കോഴിക്കോട്: കോണ്‍ഗ്രസ് നേതാവ് ശശി തൂരൂരിനെതിരെ യു ഡി എഫ് കണ്‍വീനര്‍ എം എം ഹസന്‍. തരൂരിന്റെ ‘ചെങ്കോല്‍’ ട്വീറ്റിലെ നീരസം പരസ്യമാക്കി രംഗത്ത് എത്തിയിരിക്കുകയാണ് എം എം ഹസന്‍. ചെങ്കോല്‍ സംബന്ധിച്ച ശശി തരൂരിന്റെ ട്വീറ്റ് അത്ഭുതപ്പെടുത്തിയെന്ന് ഹസന്‍ വ്യക്തമാക്കി. ശശി തരൂരിനെ മതേതരവാദി എന്ന നിലയിലാണ് അറിയുന്നതെന്നും, അങ്ങനെയുള്ള തരൂരില്‍ നിന്ന് ഇങ്ങനെ ഒരു ട്വീറ്റ് പ്രതീക്ഷിച്ചില്ലെന്നും അദ്ദേഹം പറഞ്ഞു. കോണ്‍ഗ്രസില്‍ അഞ്ചു ഗ്രൂപ്പ് ഉണ്ടെന്ന വി എം സുധീരന്റെ പരാമര്‍ശത്തിലും ഹസന്‍ വിമര്‍ശനം ഉന്നയിച്ചു. തെരഞ്ഞെടുപ്പ് കമ്മീഷന്‍ പാര്‍ട്ടികളെ രജിസ്റ്റര്‍ ചെയ്യും പോലെ കെ പി സി സി ആസ്ഥാനത് ഗ്രൂപ്പ് രജിസ്റ്റര്‍ ചെയ്യാറില്ലെന്ന് അദ്ദേഹം പ്രതികരിച്ചു.
