തിരുവനന്തപുരം : അന്തരിച്ച പി ടി തോമസ് എംഎല്എക്കെതിരായ വിവാദ പരാമര്ശങ്ങള് പിന്വലിക്കില്ലെന്ന് എം എം മണി. തനിക്കും സിപിഐഎമ്മിനും എതിരെ നിരന്തരം ആക്രമണം നടത്തിയ ഒരാളാണ് പി ടി തോമസെന്നും എം എം മണി വ്യക്തമാക്കി. പി ടി തോമസും ഉമ്മന്ചാണ്ടിയും തിരുവഞ്ചൂര് രാധാകൃഷ്ണനും ചേര്ന്ന് കള്ളക്കേസില് കുടുക്കി. പശ്ചിമഘട്ട വിഷയത്തില് കസ്തൂരിരംഗനും മാധവ് ഗാഡ്ഗിലുമായി പി ടി തോമസ് ഒത്തുകളിച്ചു. ആര് വിമര്ശിച്ചാലും തനിക്ക് പറയാനുള്ളത് പറയുമെന്ന് എം എം മണി വ്യക്തമാക്കി. സിപിഐഎമ്മിനെ ഇതുപോലെ ദ്രോഹിച്ച മറ്റൊരു കോണ്ഗ്രസ് നേതാവില്ലെന്നും മരിക്കുമ്പോള് ഖേദം പ്രകടിപ്പിക്കുന്നത് ഒരു മര്യാദ മാത്രമാണെന്നും’ മണി പ്രതികരിച്ചു. ഇടുക്കിയില് നടന്ന ഇടുക്കിയില് നടന്ന സിപിഐഎം പാര്ട്ടി പരിപാടിയില് സംസാരിക്കുന്നതിനിടെയാണ് എംഎം മണിയുടെ വിമര്ശനം.
