മലപ്പുറം > കോട്ടയ്ക്കൽ നഗരസഭയിൽ മുസ്ലിംലീഗിന് ഭരണം നഷ്ടമായി. ലീഗ് സ്ഥാനാർഥി ഡോ. ഹനീഷയാണ് പരാജയപ്പെട്ടത്. മുഹ്സിന പൂവൻമഠത്തിലാണ് പുതിയ ചെയർപേഴ്സൺ. എൽഡിഎഫ് പിന്തുണയോടെയാണ് ലീഗ് വിമതയായ മുഹ്സിന ചെയർപേഴ്സണായി തിരഞ്ഞെടുക്കപ്പെട്ടത്.
മുസ്ലീംലീഗിലെ പ്രശ്നങ്ങൾ കാരണം ചെയർമാനും വെെസ് ചെയർമാനും രാജിവെച്ചിരുന്നു. തുടർന്ന് നടത്തിയ തെരഞ്ഞെടുപ്പിലാണ് മുഹ്സിന വിജയിച്ചത്. 30 അംഗ കൗൺസിലിൽ ഒരാർ രാജിവെയ്ക്കുകയും ഒരാൾ അയോഗ്യയാക്കപ്പെടുകയും ചെയ്തതോടെ 28 പേരാണുള്ളത്. 2 ബിജെപി അംഗങ്ങൾ വോട്ടെടുപ്പിൽ നിന്നും വിട്ടുനിന്നു.
